Ájiniyaz atındaǵı Nókis mámleketlik pedagogikalıq institutında 2024-2025-oqıw jılı juwmaqları boyınsha bakalavriat tálim baǵdarları pitkeriwshi kurs studentleriniń mámleketlik attestaciyalıq imtixanları usı jıldıń 2-iyun kúninen berli dawam etpekte.

Imtixanlardıń belgilengen talaplarǵa say ádil túrde ótiwin támiyinlew maqsetinde institut rektoratı hám tiyisli bólimler tárepinen qadaǵalaw jumısları turaqlı ámelge asırılmaqta.

Maǵlıwmat ornında atap ótiw kerek, bıyılǵı oqıw jılında Nókis mámleketlik pedagogikalıq institutında bakalavriattıń kúndizgi tálim baǵdarları boyınsha 2 mıń 100, sırtqı tálim baǵdarları boyınsha 2 mıń 181 student, al magistratura qánigelikleri boyınsha 144 magistrant pitkerip shıǵıwı kútilmekte.

Institutta mámleketlik attestaciyalıq imtixanlar 10-iyunǵa shekem dawam etedi.

NMPI baspasóz xızmeti.