Ózbekstan Respublikası Ǵárezsizliginiń qutlı 34 jıllıǵı qarsańında Ájiniyaz atındaǵı Nókis mámleketlik pedagogikalıq institutında iygilikli dástúrge aylanǵan bayram ilajı bolıp ótti. Ilaj sheńberinde institut rektoratı hám kásiplik awqamı komitetiniń baslaması menen texnikalıq xızmetkerlerdiń perzentlerine jańa oqıw jılı múnásibeti menen oqıw quralları sawǵa etildi.

Ilajda institut rektorı Alisher Ubbiyev sózge shıǵıp, taraw xızmetkerleri hám olardıń balaların eń ullı, eń áziz bayramımız – Ǵárezsizlik bayramı, sonday-aq, jańa oqıw jılınıń baslanıwı menen qutlıqladı.

Bayram qarsańında bunday baslamalar xızmetkerlerdi sociallıq jaqtan qorǵawdı kúsheytiw, shańaraq hám perzentler ushın quwanısh úlesiw menen birge, Ǵárezsizlik bayramınıń ele de payızlı hám mazmunlı ótiwine xızmet etetuǵınlıǵın atap ótti.

Institutta texnikalıq xızmetkerlerdiń miynetin qádirlew, olardıń shańaraqlarına miyrim-shápáát kórsetiw hám perzentlerin bilim alıwǵa xoshametlew maqsetinde shólkemlestirilgen ilajda qatnasıwshılarǵa oqıw quralları saltanatlı túrde tapsırıldı.

NMPI baspasóz xızmeti.