Búgin, 23-sentyabr kúni Ájiniyaz atındaǵı Nókis mámleketlik pedagogikalıq institutı Keńesiniń gezektegi májilisi bolıp ótti.

Májilisti institut rektorı Alisher Ubbiyev basqarıp bardı.

Májilis kún tártibine muwapıq, dáslep Keńes aǵzaları quramın tastıyıqlaw máselesi kórip shıǵıldı hám tiyisli qarar qabıl etildi.

Bunnan soń Keńes xatkeri Maxsud Erejepovtıń tańlaw isleri haqqındaǵı bildiriwi kórip shıǵıldı. Keńes aǵzalarınıń jasırın dawıs beriw jolı menen instituttıń dene tárbiya hám sport kafedrası baslıǵı lawazımına Niyazov Asqarbay Tolıbaevich, biologiya kafedrası baslıǵı lawazımına Berdibaev Abat Sultamuratovich saylandı.

Sonıń menen birge, májiliste Ózbekstan Respublikası Mektepke shekemgi hám mektep bilimlendiriwi ministriniń tiyisli buyrıǵı menen instituttıń ilimiy isler hám innovaciyalar boyınsha prorektorı lawazımına tayınlanǵan Seytnazarov Quwanıshbay Keńesbaevich Keńes aǵazalarına tanıstırıldı.

Ilajda institut Keńesi jumıslarınıń 2025-2026-oqıw jılı ushın kalendarlıq jumıs jobasın tastıyıqlaw, fakultetler hám kafedralardıń jańa 2025-2026-oqıw jılına tayarlıǵı, institutta ilimiy-innovaciyalıq jumıslardıń jaǵdayı hám perspektivaları, ilimiy ataqlarǵa talaban professor-oqıtıwshılardıń hújjetlerin Joqarı attestaciyalıq komissiyasına usınıw, sonday-aq, aǵımdaǵı máseleler talıqlanıp, tiyisli qararlar qabıl etildi.

NMPI baspasóz xızmeti.