Ájiniyaz atındaǵı Nókis mámleketlik pedagogikalıq institutı jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov hám qarjı-ekonomika isleri boyınsha prorektorı wazıypasın waqıtsha atqarıwshısı Polat Xojaniyazov 1-sanlı studentler turaq jayında bolıp, bul jerde jasaytuǵın student-jaslar menen ashıq sáwbetlesiw ótkerdi.

Sáwbet dawamında studentler ózlerin qızıqtırǵan máseleler, usınıs hám múrájatların bildirdi.

Birinshi prorektor olardıń pikirlerin dıqqat penen tıńlap, orın alıp atırǵan mashqalalardı ornında úyreniw, sonday-aq, zárúr ilajlardı ámelge asırıw boyınsha tiyisli tapsırmalar berdi.

Ilaj dawamında studentler ushın jaratılǵan jasaw sharayatları, tazalıq, tártip-qaǵıyda hám ruwxıy-aǵartıwshılıq jumıslarınıń nátiyjeliligi úyrenildi.

Bul ushırasıw jaslar menen tikkeley sáwbetlesiw, olardıń pikirin tıńlaw hám turmıslıq mashqalalarına ámeliy járdem beriw jolında úlken áhmiyetke iye boldı.

NMPI baspasóz xızmeti.