Ózbekstan Respublikası Joqarı bilimlendiriw, ilim hám innovaciyalar ministrliginiń tiyisli tapsırmasına muwapıq, usı jıldıń 3-8-noyabr kúnleri Qaraqalpaqstan Respublikasındaǵı joqarı oqıw orınlarında jaslarǵa baylanıslı mámleketlik siyasat, ruwxıy-aǵartıwshılıq hám tárbiyalıq jumıslar, sport-sawallandırıw jumıslarınıń nátiyjeliligin hár tárepleme úyreniw jumısları alıp barılmaqta.

Usı tiykarda Ájiniyaz atındaǵı Nókis mámleketlik pedagogikalıq institutında ministrliktiń jumısshı toparı aǵzaları tárepinen orınlarǵa shıǵıp úyreniw, studentlerge jaratılǵan sharayatlardı kózden ótkeriw, tálim-tárbiya procesine juwapker xızmetkerler menen sáwbetlesiwler ótkeriw jumısları ámelge asırıldı.

Úyreniwlerdiń tiykarǵı maqseti – jaslardıń bilim alıwı, ruwxıy jetikligi hám salamat turmıs tárizin qollap-quwatlawda institutta alıp barılıp atırǵan jumıslardıń nátiyjeliligin bunnan bılay da arttırıwdan ibarat.

NMPI baspasóz xızmeti.