Xabarıńız bar, usı jıldıń 8-13-dekabr kúnleri Hindstannıń Nyu-Deli qalasında bolıp ótken YUNESKOnıń materiallıq emes mádeniy miyrastı qorǵaw Húkimetleraralıq komitetiniń gezektegi XX sessiyasında qaraqalpaq xalqınıń «Qobız soǵıw hám atqarıwshılıq óneri» YUNESKOnıń materiallıq emes mádeniy miyrasın jedel qorǵaw dizimine, sonday-aq, xalqımızdıń milliy «Qaraúy»i YUNESKOnıń materiallıq emes mádeniy miyrasınıń REPREZENTATIV dizimine kirgizilgen edi.

Ájiniyaz atındaǵı Nókis mámleketlik pedagogikalıq institutı málimleme-resurs orayında Mektepke shekemgi hám baslawısh tálim fakulteti tyutorları hám student-jasları qatnasıwındaǵı ushırasıwda usı áhmiyetli waqıyalar haqqında sóz etildi.

Ilajda Ózbekstan Respublikasına xızmet kórsetken jaslar ustazı, instituttıń muzıkalıq tálim kafedrasınıń docenti Ayapbergen Allanov, málimleme-resurs orayınıń direktorı Gúlayım Jiyemuratova, tyutor Gúljáhán Artikovalar húrmetli Prezidentimizdiń Qaraqalpaqstan Respublikasına bolǵan saparında berilgen tapsırmalar sheńberinde qaraqalpaq xalqınıń ásirler dawamında jetip kelgen biybaha mádeniy miyrasların qásterlep saqlaw, onı jańa basqıshqa alıp shıǵıw hám dúnya kóleminde keńnen úgit-násiyatlawǵa qatarılıp atırǵan ayrıqsha itibar haqqında maǵlıwmatlar berdi.

Bul tariyxıy waqıyalardıń áhmiyeti haqqında pikir almasıwlar dawam etti.

NMPI baspasóz xızmeti.