Ájiniyaz atındaǵı Nókis mámleketlik pedagogikalıq institutı ziyrek studentlerdiń ilimiy-izertlew jumısların shólkemlestiriw bólimi tárepinen student-jaslar, magistrantlar hám izleniwshiler ushın ilimiy maqala jazıw hám abıroylı jurnallarda baspadan shıǵarıw tártibi boyınsha seminar-trening ótkerildi.

Seminar dawamında bólim baslıǵı Qahraman Tashanov hám instituttıń 1-kurs magistrantı, Tólepbergen Qayıpbergenov atındaǵı mámleketlik stipendiyanıń jeńimpazı Ulzada Umirbaeva tárepinen qatnasıwshılarǵa ilimiy maqalanıń dúzilisi hám rásmiylestiriw talapları, aktuallıq hám metodologiyanı tiykarlaw, jurnal saylaw hám maqalanı tapsırıw procesi boyınsha ámeliy kónlikpeler berildi.

Ilajdı shólkemlestiriwden maqset student-jaslardıń ilimiy maqala jazıw boyınsha kónlikpelerin rawajlandırıw hám olardı ilimiy jumıslarǵa keńnen tartıwdan ibarat boldı.

NMPI baspasóz xızmeti.