Аввал хабар берганимиздек, Ўзбекистон касаба уюшмалари Федерацияси, Халқаро меҳнат ташкилоти ҳамда Олий ва ўрта махсус таълим вазирлиги томонидан Ўзбекистондаги барча олий таълим муассасалари талабалари ўртасида «Талабалар кубоги-2018» интеллектуал турнири ташкил этилди.

Турнир икки босқичда – минтақавий ва республика босқичида ўтказилди.

Қорақалпоғистон Республикаси, Хоразм, Бухоро ва Навоий вилоятлари олий таълим муассасалари билан минтақавий босқичда ўз билимларини синаб, 3-ўринни эгаллаган институтимиз жамоаси бугун – 16 ноябрь куни Тошкент шаҳрида бўлиб ўткан финал босқичида иштирок этди.

Финал босқичида жами 15 олий таълим муассасалари жамоалари иштирок этди.

Финал босқичи якунларига кўра, Тошкент педиатрия тиббиёт институти 1-ўрин, Жаҳон иқтисодиёти ва дипломатия университети 2-ўрин, Тошкент тиббиёт академияси 3-ўрин ғолиби бўлди.

Финал босқичигача ва финалда яхши натижаларни қўлга киритган институтимиз жамоаси «Ўзбекистон» телеканалининг «Урфон шоу» кўрсатувида иштирок этадиган бўлди.

Ислам Матеков,

НДПИ матбуот котиби.