Ўзбекистонда олий ўқув юртлари битирувчиларининг ишга жойлашиши юзасидан ҳисобот берилади
2019/2020-ўқув йили бошига олий таълим муассасаси статистик ҳисоботининг янги шакли тасдиқланди.
«Кундузги таълим шаклидаги бакалавриат талабаларининг курслар, таълим йўналишлари бўйича тақсимоти» йиллик ҳисобот шаклининг 1-бўлимига тузатишлар киритилди.
Унда қуйидагилар ҳам кўрсатилиши лозим:
тўлов-контракт асосида ўқиган бакалавриат битирувчиларининг нечтаси эгаллаган билимлари ёки ўхшаш таълим йўналиши бўйича ишга жойлашганлиги, шунингдек, бошқа фаолият соҳасига ишга жойлашганлар сони;
грант асосида ўқиган ва ишга йўлланма олган бакалавриат талабаларининг нечтаси берилган йўлланма бўйича ишга жойлашганлиги.