Ajiniyoz nomidagi Nukus davlat pedagogika institutida 8-mart – Xalqaro xotin-qizlar kuni bayrami munosabati bilan xotin-qizlardan iborat professor-o‘qituvchilar o‘rtasida voleybol bo‘yicha institut birinchiligi bo‘lib o‘tdi.

Musobaqada institutning barcha fakultetlari hamda sirtqi ta’lim bo‘limi professor-o‘qituvchilaridan tuzilgan jamoalar ishtirok etdi.

Xotin-qizlar o‘rtasida sport va sog‘lomlashtirish tadbirlarini targ‘ib qilish, ularning bo‘sh vaqtini mazmunli o‘tkazish va bayram arafasida rag‘batlantirish maqsadida o‘tkazilgan musobaqa juda qizg‘in tarzda davom etdi.

Shunday qilib, musobaqa yakunida:

1-o‘rinni – Jismoniy madaniyat fakulteti;

2-o‘rinni – Sirtqi ta’lim bo‘limi;

3-o‘rinni – Chet tillari fakulteti jamoasi egalladi.

Musobaqa g‘olib va sovrindorlari institut sport klubi tomonidan tayyorlangan bayram sovg‘alari bilan taqdirlandi.

Institutda bayramga bag‘ishlangan tadbirlar davom etmoqda.

NukusDPI matbuot xizmati.