Bugun, 10-iyul kuni Ajiniyoz nomidagi Nukus davlat pedagogika institutida 2025-2026-o‘quv yili uchun bakalavriatning alohida iqtidor talab etiladigan ta’lim yo‘nalishlariga o‘tkazilayotgan kasbiy (ijodiy) imtihonlar belgilangan jadval asosida davom etmoqda.

Imtihon dasturiga ko‘ra, jismoniy madaniyat ta’lim yo‘nalishining o‘zbek, qozoq hamda rus guruhlariga qabul uchun abituriyentlar 100 metr va 1 000 metr masofaga yugurish bo‘yicha o‘z imkoniyatlarini sinovdan o‘tkazmoqda.

Eslatib o‘tamiz, institutda kasbiy (ijodiy) imtihonlar shu yilning 11-iyul kuniga qadar davom etadi.

NukusDPI matbuot xizmati.