“Oʻzbekiston – 2030” strategiyasi global oʻzgarishlar sharoitida yanada takomillashtirildi va Prezident Farmoni bilan 2026-2030-yillarga moʻljallangan yangilangan tahriri tasdiqlandi.

Asosiy maqsadlar:

– real sharoitga mos, oʻlchash va baholash imkoni mavjud samaradorlik koʻrsatkichlarini belgilash;

– oʻrta muddatli maqsadlarni yangi global chaqiriqlarga muvofiq yangilash;

– strategiya ijrosi monitoringini toʻliq raqamlashtirish;

– soha, tarmoq va hududlarni rivojlantirish boʻyicha strategik rejalashtirish hujjatlarini “Oʻzbekiston – 2030” bilan uygʻunlashtirish.

Strategiya ijrosi barcha masʼul vazirlik va idoralar, mahalliy ijro etuvchi hokimiyat organlari hamda xoʻjalik birlashmalari uchun eng ustuvor vazifa etib belgilandi.

Mazkur Farmon “maqsad – harakat – natija” tamoyiliga asoslangan mutlaqo yangi strategik boshqaruv tizimini yanada mustahkamlashga qaratilgan.