Turkiya Respublikasining Antaliya shahrida para taekvondo bo‘yicha “Turkish Open” xalqaro musobaqasi bo‘lib o‘tdi.

Dunyoning 27 davlatidan jami 180 nafar para taekvondochi ishtirok etgan musobaqada O‘zbekiston terma jamoasi 3 ta oltin, 1 ta kumush va 4 ta bronza medalini qo‘lga kiritdi.

Quvonarlisi, musobaqada 80 kilogramm vaznda Ajiniyoz nomidagi Nukus davlat pedagogika instituti Pedagogika-psixologiya va ijodiy ta’lim fakulteti jismoniy tarbiya ta’lim yo‘nalishining 2-kurs talabasi Otabek Amatov faxrli 3-o‘rinni egallab, bronza medalini qo‘lga kiritdi.

Ahamiyatlisi, O‘zbekiston terma jamoasi ushbu musobaqani umumjamoa hisobida birinchi o‘rin bilan yakunladi.

NukusDPI matbuot xizmati.