Hurmatli va aziz opa-singillar, muhtarama ustozlar, qadrli talaba-qizlar!

Sizlarni bahorning eng go‘zal ayyomi – 8-mart – Xalqaro xotin-qizlar kuni bilan samimiy tabriklayman.

Ayollar – hayotimizning fayzi, oilalarimizning mehri va jamiyatimizning mustahkam tayanchidir. Sizlar o‘z mehr-muhabbatingiz, sabr-toqatingiz, fidoyiligingiz, shuningdek, bilim va salohiyatingiz bilan nafaqat oilalar, balki jamiyat taraqqiyotida ham muhim o‘rin tutasiz. Ayniqsa, ta’lim sohasida faoliyat yuritayotgan ustoz ayollarimiz va ilm yo‘lida izlanayotgan talaba-qizlarimiz yurtimizning yorug‘ kelajagi uchun munosib hissa qo‘shib kelmoqda.

Bugungi kunda mamlakatimizda xotin-qizlarning huquq va manfaatlarini himoya qilish, ularning jamiyatdagi o‘rnini yanada mustahkamlash, ta’lim olishi, ilm-fan va turli sohalarda o‘z salohiyatini namoyon etishi uchun keng imkoniyatlar yaratilmoqda. Institutimizda ham talaba-qizlarimizning ta’lim olishi, ijodiy va ilmiy salohiyatini rivojlantirish, ularning tashabbuslarini qo‘llab-quvvatlash borasida samarali ishlar amalga oshirilmoqda.

Fursatdan foydalanib, siz, aziz ayollarga sihat-salomatlik, baxt-saodat, oilalaringizga omonlik va farovonlik, mas’uliyatli va sharafli faoliyatingizda ulkan zafarlar tilayman. Go‘zal bahor bayrami qalblaringizni quvonchga to‘ldirib, hayotingizga yangi orzu-umidlar va muvaffaqiyatlar olib kelsin.

Yana bir bor barchangizni 8-mart – Xalqaro xotin-qizlar kuni bilan chin qalbimdan tabriklayman!

Hurmat bilan,

Alisher Ubbiyev,

Ajiniyoz nomidagi Nukus davlat pedagogika institutining rektori.