Ajiniyoz nomidagi Nukus davlat pedagogika instituti Maktabgacha va boshlang‘ich ta’lim fakultetida qoraqalpoq adabiyotining yorqin namoyondasi, mumtoz shoir Ajiniyoz Qo‘siboy o‘g‘li tavalludining 202 yilligiga bag‘ishlangan “Bu dunyoning ko‘rki – odam bolasi” mavzusidagi uchrashuv kechasi tashkil etildi.

Tyutor Guljahan Artikova tashabbusi bilan o‘tkazilgan kechada institutning qoraqalpoq adabiyoti kafedrasi dotsenti, filologiya fanlari bo‘yicha falsafa doktori (PhD) Marat Yesebayev, maxsus pedagogika: logopediya ta’lim yo‘nalishining 1-kurs talabalari ishtirok etdi.

Tadbir davomida yoshlarga Ajiniyoz shoirning hayoti, ijodining o‘ziga xos xususiyatlari, uning adabiy merosining hozirgi davrda o‘rganilishi bilan bog‘liq ma’lumotlar berildi.