Ajiniyoz nomidagi Nukus davlat pedagogika institutida O‘zbekiston “Milliy tiklanish” demokratik partiyasi Markaziy Kengashi hamda Oliy Majlis Qonunchilik palatasidagi “Milliy tiklanish” fraksiyasi raisi Alisher Qodirov ishtirokida talaba-yoshlar bilan uchrashuv tashkil etildi.

Uchrashuvda partiya Markaziy Kengashi va Qoraqalpog‘iston Respublikasi Kengashi vakillari, Oliy Majlis Qonunchilik palatasi, Qoraqalpog‘iston Respublikasi Jo‘qorg‘i Kengesi deputatlari, institut professor-o‘qituvchilari va faol talabalar ishtirok etdi.

Tadbir davomida mamlakatimizda yoshlar siyosatiga qaratilayotgan e’tibor, ularning salohiyatini ro‘yobga chiqarish maqsadida amalga oshirilayotgan keng ko‘lamli islohotlar, shu jumladan, “Yangi O‘zbekiston yoshlari – 2030” strategiyasi loyihasi, shuningdek, partiya tomonidan yoshlar va ularning tashabbuslarini qo‘llab-quvvatlash borasida qilinayotgan ishlar haqida batafsil ma’lumotlar berildi.

Uchrashuvda yoshlar ushbu strategiyada belgilangan ustuvor yo‘nalishlar bo‘yicha savollariga javoblar oldi va o‘z takliflarini bildirdi.

NukusDPI matbuot xizmati.