Ájiniyaz atındaǵı Nókis mámleketlik pedagogikalıq institutında student-jaslardıń intellektuallıq potencialın arttırıw, erkin pikirlew, óz kózqarasın erkin hám tiykarlı bildiriw kónlikpelerin rawajlandırıw maqsetinde «Debat» intellektuallıq turniri shólkemlestirildi.

Turnirde instituttıń túrli fakultetlerinen qábiletli hám belsendi studentler qatnasıp, áhmiyetli temalar boyınsha óz ara pikir almastı. Dodalawlar dawamında qatnasıwshılar óz poziciyaların anıq dáliller tiykarında qorǵaw, qarsılas pikirin tıńlaw hám oǵan logikalıq múnásibet bildiriw, komandada islew sıyaqlı kónlikpelerin kórsetti.

Qızǵın hám mawasasız ótken oyınlarda studentler ózleriniń bilimi, dúnyaqarası, oratorlıq sheberligi hám jedel pikirlew qábiletlerin sınaqtan ótkerdi.

Bunday intellektuallıq bellesiwler studentlerdiń bos waqtın mazmunlı shólkemlestiriw menen birge, olardı erkin pikirleytuǵın, belsendi hám intaker jaslar etip qáliplestiriwge xızmet etedi.

NMPI baspasóz xızmeti.