Fakultet dekanı:	t.i.d. M.K.Saribaev
	tel.:	+998 (91 ) 301-04-39
	e-mail:	nkspi_info@edu.uz
	web sayt:	http://tariyx-geo.ndpi.uz

Fakultet dekanı tariyx ilimleriniń doktori- M.Sarıbaev, Jaslar menen islesiw boyınsha dekan orınbasari D.Reimov, Oqıw isleri boyınsha dekan orinbasarları N.Djumageldiev, B.Sag`indikov, R.Utepbergenov, Ilimiy isler boyınsha dekan orınbasarı S.Dosmaganbetov, “Tariyx oqıtıw metodikası” kafedrasına t.i.d (DSc) R.Bazarbaev, “Jámiyetlik pánler” kafedrası w.w.a  (PhD) U.Xojaniyazov, “Milliy ideya, ruwxıylıq tiykarları hám huqıq tálimi” kafedrasına p.f.d. (PhD) E.Tilewov, “Geografiya oqıtıw metodikası” kafedrasına g.i.k. docent G.Utepova basshılıq etpekte. 2023-2024-oqıw jılında fakultet talabaları sanı 727 dı quraydı.

Tariyx fakul`teti búgingi kúnde Respublikamızdıń Xalıq bilimlendiriw tarawı ushın tariyxshı, geograf, milliy ideya, ruwxıylıq tiykarları hám huqıq tálimi boyınsha joqarı maǵlıwmatlı pedagog kadrlardı tayarlawǵa baǵdarlanǵan.

Fakul`tette talabalardıń tıyanaqlı bilim alıwları ushın keń imkaniyatlar jaratılǵan. Barlıq oqıw auditoriyaları komp`yuter hám videoproektorlar menen  úskenelengen bolıp lokal` İnternet tarmaǵına jalǵanǵan. Bunnan basqa professor-oqıtıwshılar hám student jaslardıń erkin paydalanıwları ushın biypul Wi-Fi qurılmaları ornatılǵan. Fakul`tettegi komp`yuter klası hám Lingofon klasslarınan talabalar oqıw protsessinde paydalanıp kelmekte. Bunday imkaniyatlardan ónimli paydalanǵan professor-oqıtıwshılar studentlerge zamanagóy hám aldınǵı pedagogikalıq tálim texnologiyalarınan qollanǵan halda sabaqların ótip kelmekte.

Talabalar alǵan teoriyalıq bilimlerin turaqlı túrde ámeliyatta bekkemlep baradı. Atap aytqanda, 1-2-kurs talabaları oqıw-dala, arxeologiyalıq, etnografiyalıq hám óndirislik ámeliyatların ótese, 2-3-4-kurs talabaları 4+2 sisteması boyınsha 4 kún joqarı oqńw ornında hám 2 kún  ulıwma bilim beriw mekteplerinde pedagogikalıq ámeliyat ótep kelmekte.

Fakul`tette studentlerge jaratıp berilgen imkaniyatlar nátiyjesinde fakul`tet studentleri arasınan mámleketlik stipendiyalardıń jeńimpazları jetisip shıqtı. Olardan: Tariyx oqıtıw metodikası tálim baǵdarı studenti A.Abdullaeva, Milliy ideya, ruwxıylıq tiykarları hám huqıq tálimi tálim baǵdarı studenti D.Turkpenbaeva hám Geografiya oqıtıw metodikası tálim baǵdarı studenti M.Bazarbaevlar «Nawayı» atındaǵı Mámleketlik stipendiya jeńimpazı bolǵan bolsa, Milliy ideya, ruwxıylıq tiykarları hám huqıq tálimi tálim baǵdarı studenti A.Jumabaev hám Geografiya oqıtıw metodikası tálim baǵdarı studenti Á.Sháribayevlar «İslam Karimov» atındaǵı Mámleketlik stipendiya jeńimpazı, Milliy ideya, ruwxıylıq tiykarları hám huqıq tálimi tálim baǵdarı studentleri J.Jollibaeva «Ájiniyaz» atındaǵı hámde N.Muptullaeva «Kásplik awqamları» stipendiya jeńimpazlarıı boldı.

Sonday-aq, fakultetimiz student-jasları hár jılı Respublika kóleminde ótkerilip kiyatırǵan hár qıylı kórik-tańlawlar hám sport jarıslarınıń belsene qatnasıwshısı.

2019-jıl dekabr ayında Tashkent qalasında ótkerilgen «Tafakkur sınawları» kórik-tańlawınıń O`zbekstan Respublikası finallıq basqıshında Respublikamızdıń barlıq joqarı oqıw orınları arasında sıylı 1-orındı iyeledi.

Bunnan basqa, fakul`tet zıyalı jaslarınan quralǵan «Shejire» intellektual klubı hámde quwnaq jaslardan quralǵan «Wa-ha-ha» KVN komandaları hár jılı Respublika kóleminde ótkerilip kiyatırǵan tańlawlarda sıylı orınlardı jeńip alıwǵa miyasar bolıp kelmekte.

Fakul`tet quramı:

• 4 kafedra: sonnan 3 ewi qánige shıǵarıwshı kafedra bolıp, olarda jámi 81 professor-oqıtıwshı jumıs islep kelmekte. Sonnan, 5 ilim doktorı, 29 ilim kandidatı. Fakul`tette jámi 727 talaba oqıp bilim almaqta.

Kafedralar

1. Tariyx oqıtıw metodikası kafedrası
2. Geografiya oqıtıw metodikası kafedrası
3. Milli ideya, ruwxiylıq tiykarları hám huqıq tálimi kafedrası
4. Jámiyetlik pánler

 

Bakalavr tálim baǵdarları:

• 5110500 — Geografiya hám ekonomikalıq bilim tiykarları;
• 5110500 — Geografiya oqıtıw metodikası;
• 5110600 – Tariyx;
• 5110600 – Tariyx oqıtıw metodikası;
• 5111600 – Milliy ideya, ruwxıylıq tiykarları hám huqıq tálimi

 

Pán dógerekleri:

• «Jas tariyxshı»;
• «Jas arxeolog»;
• «Jas geograf»;
• «Jas huqıqtanıwshı»;
• «Jas ideolog»;