AJINIYOZ NOMIDAGI NUKUS DAVLAT PEDAGOGIKA INSTITUTI

O`quv-uslubiy boshqarma

 O`quv-uslubiy boshqarma boshlig`i:

Abdiev Azamat

tel:

+(93)363 50 05

+(61)229 40 63

e-mail:abdiev79@mail.ru

  

              O`zbekiston Respublikasi Prezidentining 2017 yil 20 apreldagi «Oliy ta`lim tizimini yanada rivojlantirish chora-tadbirlari to`g`risida»gi PQ-2909-sonli Qarorida belgilangan vazifalarning samarali echimini to`liq ta`minlash maqsadida oliy ta`lim darajasining sifatini orttirish va tubdan takomillashtirish, oliy ta`lim muassasalarini moddiy-texnik bazasini mustahkamlash hamda modernizatsiyalash, ularni zamonaviy o`quv-ilmiy laboratoriyalar, axborot-kommunikatsiya texnologiyalari bilan ta`minlash maqsadida oliy ta`lim sistemasini 2017-2021 yillarda mo`ljallangan kompleksli rivojlantirish dasturining tasdiqlanganligi ta`lim jarayoniga katta e`tibor qaratilayotganidan dalolat beradi. Dasturda o`kuv binolari, talabalar turar joylari, axborot-resurs markazlari va boshqa ob`ektlarni qurish, rekonstruktsiyalash hamda kapital ta`mirlash xisobidan yangi o`quv xonalarini tashkil qilish, yangi o`quv-laboratoriya komplekslarini harid qilish, auditoriyalarni komp`yuter texnikasi bilan ta`minlash nazarda tutilgan. Qaror asosida 2017/2018 o`quv yilidan boshlab institutimizda Kasb ta`limi: dizayn bakalavr ta`lim yo`nalishi ochildi. 2018/2019/2020 o`quv yillarida 6 ta Aniq va tabiiy fanlarni o`qitish metodikasi (matematika), Aniq va tabiiy fanlarni o`qitish metodikasi (fizika va astronomiya), Ona tili va adabiyoti (Qoraqalpoq tili va adabiyoti), Aniq va tabiiy fanlarni o`qitish metodikasi (geografiya), Ona tili va adabiyoti (Rus tili), Xorijiy til va adabiyoti (Ingliz tili) mutaxassisliklari ochilishi belgilab qo`yilgan. Hozirgi kunda institutimizda 9 fakul`tet, magistratura bo`limi hamda 27 ta kafedra mavjud bo`lib, 23 bakalavr t`lim yo`nalishi va 8 ta magistratura mutaxassisligi bo`yicha talabalarga 466 nafar professor-o`qituvchilar ta`lim berib kelmoqda. O`qituvchilarimiz tarkibida yurtimizga taniqli 2 ta akademik, 16 nafar fan doktori va professorlar, 120 nafar fan nomzodi va dotsentlar fidoiylarcha mehnat qilib kelmoqda. Institutda 2017/2018 o`quv yilidan boshlab mutaxassislik fanlarini ingliz tilida o`qitishni bosqichma-bosqich tashkil etish, ingliz tilida dars o`tadigan professor- o`qituvchilarni maqsadli tayyorlash maqsadida 3 bosqichli (A1→A2; A2→V1; V1→V2) o`quv kurslari tashkil etildi. Kurs natijasida institut professor o`qituvchilari V2 sertifikatini olib, mutaxassislik fanlarini ingliz tilida o`qitish huquqiga ega bo`lishadi. O`quv kurslarida mashg`ulotlar rivojlangan davlatlarning oliy ta`lim muassasalarida bugungi kunda foydalanilayotgan (Britaniya kengashi tomonidan tavsiya etilgan) 68 nomdagi zamonaviy o`quv adabiyotlari asosida o`qitilishi yo`lga qo`yilgan. Institutning 26 ta katta auditroiyalariga videoproektorlar o`rnatilgan bo`lib, professor-o`qituvchilarimiz ma`ruza dasrlarini zamonaviy pedogogik texnologiyalar yordamida o`qitish sharoitlari yaratilgan. Hozirgi kunda institutning o`quv-uslubiy boshqarmasida 1 ta o`quv bo`limi boshlig`i, 4 ta uslubiyatchi, 7 nafar dispetcher, 1 nafar inspektor, 1 nafar texnik, 1 nafar ish yurituvchi faoliyat yuritib kelmoqda. O`quv-uslubiy boshqarma o`quv ishlari bo`yicha prorektor boshchiligida dekanat va kafedralar bilan birgalikda quyidagi ishlarni olib boradi:

  • – O`quv jarayoniga tegishli yuqori tashkilotlarning qaror va ko`rsatmalari, vazirlik qarorlari, buyruq, ko`rsatmalarining bajarilishini ta`minlash;
  • – Dekanatlar va kafedralarning yangi o`quv yiliga tayyorgarligini tashkillashtirish, nazorat qilish;
  • – Davlat ta`lim standarti talablariga mos, iste`molchilar talablaridan kelib chiqqon holda ishlab chiqilgan namunaviy o`quv reja va dasturlar asosida o`quv jarayonini tashkillashtirish;
  • – Umumiy institut o`quv yuklamasi va talabalar kontingentini hisobga olgan holda kafedralar shtat birligini aniqlash, hamda professor-o`qituvchilar tarkibi va o`quv yuklamalarini shakllantirish;
  • – Vazirlikka davlat attestatsiya komissiyalari boshliqlari uchun nomzodlarni tavsiya qilish;
  • – Davlat attestatsiya komissiyalari tarkibini shakllantirish hamda ular faoliyatini nazorat qilib borish;
  • – Davlat standartiga mos o`quv rejalaridagi bloklar bo`yicha talabalarni o`quv adabiyotlar bilan ta`minlanishini o`rganib chiqish;
  • – O`quv rejasidagi fanlardan to`liq o`quv-uslubiy majmualar bilan ta`minlanishini, ularning yangilanib borishini nazorat qilish;
  • – Talabalar bilimini nazorat qilish reyting tizimining nizomga mos yuritilishini nazorat va monitoring qilib borish; – Ilimiy kengashga yangi kafedralar, fakul`tetler, ixtisosliklar ochish bo`yicha takliflar tayyorlash.