11 ноябрь куни Ажиниёз номидаги Нукус давлат педагогика институтида «Қувноқлар ва зукколар» танловининг факультетлараро босқичи бўлиб ўтди.

 

Унда институтнинг 8 факультетидан қуйидаги жамоалар иштирок этди:

Тарих-география факультети «Уа-ҳа-ҳа» жамоаси;

Филология факультети «Чапалоқ» жамоаси;

Кимё-биология факультети «Табиий органавтлар» жамоаси;

Математика-информатика факультети «Мат-инфо» жамоаси;

Педагогика факультети «Дембермес» жамоаси;

Мактабгача ва бошланғич таълим «Бошланғич юлдузлари» жамоаси;

Физика-меҳнат факультети «Energy» жамоаси;

Чет тиллари факультети «Лидер» жамоаси.

Танлов «Бўлар бола беш ёшидан…» мавзусидаги саломнома, «Эшитишимизча…» мавзусидаги биатлон, «Талабалик – олтин давр» мавзусидаги талабалар театр-экспериментал миниатюраси ва «Қўшиқ қилиб айтсам…» мавзусидаги мусиқий шартлардан иборат бўлди.

Талабалар танлов шартлари асосида ўз қобилиятларини, зукколиги ва сахна маданиятини намоён эта олди.

Танлов шартлари бўйича талабаларнинг чиқишлари 5 ва 6 баллик тизимда баҳолаб борилди. Уларни баҳолаш учун маданият соҳаси ходимлари ва Ўзбекистон ёшлар иттифоқи Қорақалпоғистон Республикаси ҳамда Нукус шаҳар Кенгашларидан мутахассислар таклиф этилди.

Танлов якунига кўра, математика-информатика факультети «Мат-инфо» жамоаси 1-ўрин, чет тиллари факультети «Лидер» жамоаси 2-ўрин, кимё-биология факультети «Табиий органавтлар» жамоаси ва тарих-география факультети «Уа-ҳа-ҳа» жамоаси 3-ўрин ғолиби бўлди.

Ғолиблар ташкилотчилар ва ҳамкор ташкилотлар томонидан тайёрланган диплом ҳамда қимматбаҳо совғалар билан тақдирланди.

 

Ислам Матеков,

НДПИ матбуот котиби.