Бугун, 1 август куни Ажиниёз номидаги Нукус давлат педагогика институтида мусиқа таълими бакалавр йўналишининг ўзбек гуруҳи сиртқи таълим йўналишига ҳужжат топширган абитуриентларнинг касбий (ижодий) имтиҳонлари бўлиб ўтди.

Имтиҳонда иштирок этиш учун бир оёғи синиб, ҳасталаниб қолган бўлишига қарамай Хоразм вилоятининг Гурлан туманидан келган Орифжон Халилаевга институт қабул комиссияси ёрдам кўрсатиб, уни навбатидан олдин имтиҳонга киритиб, имтиҳонни яхши топшириши учун зарур шароитларни яратиб берди.

Ўзбек миллий мусиқа асбоби дуторда ўз қобилиятини намоён этган Орифжон имтиҳон топшириши учун кўрсатилган эътибор учун миннатдорчилик билдирди.

 

Ислам Матеков,

НукусДПИ матбуот котиби.