Ajiniyoz nomidagi Nukus davlat pedagogika institutida 8-mart Xalqaro xotin-qizlar bayrami munosabati bilan fakultet qizlari oʻrtasida «Bahor malikasi» koʻrik tanlovi boʻlib oʻtdi.

An’anaviy tarzda talaba-qizlar oʻrtasidagi oʻtkazilib kelinayotgan «Bahor malikasi» koʻrik tanlovi bu yil ham a’lo darajada tashkil qilindi.

Tanlovda institutimiz fakultetlarida oʻtkazilgan «Bahor malikasi» koʻrik tanlovida gʻoliblikni qoʻlga kiritgan talaba-qizlar ishtirok etdilar. Tanlovda goʻzal qizlar asosan uchta shart asosida bellashdilar.

 Qizlarning bilimi, epchilligi, zukkoligi hamda pazandalik mahoratlari odil hakamlar tomonidan vaqtni hisoblagan holda baholab borildi. Hakamlar pedogog, kutubxonachi, psixolog, tarbiyachi, «Koʻk oʻzak», «Qumbuz ovul» MFY maslahatchilari va Yoshlar agentligi vakillaridan iborat tarkibda ish olib bordilar.

 Qizlarning boʻsh paytlarida nima bilan mashgʻul boʻlishi masalalariga ham alohida e’tibor qaratildi.

«Bahor malikasi» koʻrik tanlovi yakuniga koʻra:

1-oʻrin Xorijiy tillar fakulteti 1-bosqich talabasi Karimova Nigora;

2-oʻrin Tabiiy fanlar fakulteti 3-bosqich talabasi Kaipova Diana;

3-oʻrin Maktabgacha ta’lim fakulteti 3-bosqich talabasi Bobojanova Muyassarga nasib qildi.

Tanlovning boshqa ishtirokchilariga ham institut rahbariyati va Kasaba uyushmasi qoʻmitasi tomonidan oʻz iqtidorlariga mos nominatsiyalar, diplom va sovgʻalar topshirildi.