Oliy taʼlim, fan va innovatsiyalar vaziri buyrug‘i bilan Eshmuratov Roxat Artikbayevich Ajiniyoz nomidagi Nukus davlat pedagogika instituti ilmiy ishlar va innovatsiyalar bo‘yicha prorektori etib tayinlandi.
Roxat Eshmuratov 1983-yil Qoraqalpog‘iston Respublikasi Qo‘ng‘irot tumanida tugʻilgan.
U 2004-yilda Nukus davlat pedagogika institutining bakalavr yo‘nalishini, 2006-yilda Qoraqalpoq davlat universitetining magistratura mutaxassisligini tamomlagan. Biologiya fanlari nomzodi, dotsent.
U mehnat faoliyatini 2006-2009-yillarda Qoraqalpoq davlat universiteti “Biologiya” kafedrasi assistentligidan boshlab, O‘zbekiston Respublikasi Fanlar Akademiyasi Botanika ilmiy-ishlab chiqarish markazi aspiranti, stajyor-tadqiqotchi izlanuvchisi, kichik ilmiy xodimi, 2012-2014-yillarda Nukus davlat pedagogika instituti “Botanika” kafedrasi assistenti, ichki nazorat va monitoring, ilmiy-tadqiqot va ilmiy pedagog kadrlar tayyorlash bo‘limlari hamda o‘quv-metodik boshqarma boshlig‘i kabi lavozimlarda faoliyat yuritgan.
Tayinlovga qadar Nukus davlat pedagogika instituti “Botanika, ekologiya va uni o‘qitish metodikasi” kafedrasi mudiri lavozimida faoliyat olib borgan.
Nukus DPI matbuot xizmati.