Avval xabar berganimizdek, Berdaq nomidagi Qoraqalpoq davlat universitetida “TechnoWays” texnologik rivojlanish marafonining respublika bosqichi qizg‘in davom etmoqda. Marafonning uchinchi kuni ishtirokchilar o‘zlarining innovatsion loyihalarini taqdim etmoqda.

Uchinchi kunning asosiy mavzusi sifatida texnologik yangiliklar va ilm-fan rivoji uchun dolzarb bo‘lgan innovatsiyalarni hayotga tatbiq etish muhim ahamiyat kasb etadi. Ishtirokchilar tomonidan taklif etilgan loyihalar texnologik yangiliklar, yangi texnika va dasturlarni amaliyotga joriy qilishga yo‘naltirilgan. Ta’kidlash joizki, marafonning bu bosqichi faqat nazariy bilimlar bilan chegaralanib qolmay, balki amaliy natijalarni ham o‘zida namoyon etmoqda.

Taqdimotlar davomida har bir loyiha hakamlar hay’ati tomonidan baholanib, innovatsion yondashuv, dolzarbligi va iqtisodiy samaradorligi bo‘yicha keng muhokama qilindi. Ishtirokchilar o‘z loyihalarini himoya qilar ekan, ular kelgusida texnologik rivojlanish va raqobatbardoshlikni oshirishga qaratilgan takliflarini keng ommaga namoyish qilish imkoniyatiga ega bo‘lishdi.

Marafon ishtirokchilar o‘rtasida o‘zaro fikr almashish, tajriba orttirish va yangi imkoniyatlarni o‘rganish jarayoni bilan qizg‘in davom etmoqda.