O‘zbekiston Respublikasi Oliy ta’lim, fan va innovatsiyalar vaziri Qo‘ng‘irotboy Sharipov Ajiniyoz nomidagi Nukus davlat pedagogika institutida O‘zbekiston Respublikasi Prezidentining «Atoqli qoraqalpoq shoiri va mutafakkiri Ajiniyoz Qo‘siboy o‘g‘li tavalludining 200-yilligini keng nishonlash to‘g‘risida»gi qarori asosida tashkil etilgan Ajiniyoz muzeyiga tashrif buyurdi.

Bu yerda institut professor-o‘qituvchilari tomonidan olib borilgan tadqiqot natijasida ishlangan Ajiniyoz Qo‘siboy o‘g‘lining avlodlar sharajasi, shuningdek, shoir yashagan davrga oid kitoblar, noyob qo‘lyozmalar, tarixiy buyumlar va kiyim-kechaklar ko‘rgazmalarini ko‘zdan kechirdi.

Muzey eksponatlarini yanada boyitib borish va uni kengaytirish bo‘yicha tavsiyalar berdi.

NukusDPI matbuot xizmati.