Oray baslıǵı:	Jiemuratova Gulayım Maqsetbaevna
	Telefon:	+998612294063
	e-mail:

 

Ájiniyaz atındaǵı Nókis mámleketlik pedagogikalıq institutı Málimleme-resurs orayı haqqında maǵlıwmat

Málimleme-resurs orayınıń ulıwma kitap fondı 17146 atamada 190963 danadan ibarat.

Sonnan:

            Sabaqlıqlar 1678 atamada 30773 nusqada;

            Oqıw qollanbalar 3251 atamada 56234 nusqada;    

            Ilimiy ádebiyatlar: 487 atamada 23376 nusqada;

            Kórkem ádebiyatlar: 8214 atamada 44968 nusqada;

            Shet el ádebiyatlar: 371 atamada 3280 nusqada;

           Jámiyetlik-siyasiy ádebiyatlar 2819 atamada 28393 nusqada;

            Basqa ádebiyatlar 326 atamada 3939 nusqanı quraydı.

       Málimleme-resurs orayı fondı 2024-jılı 218 atamada 3200 dana 71879850 sumlıq, 2025-jılı 258 atamada 4363 dana  505677641 sumlıq, 2026-jılı usı kúnge 401 atamada 2313 dana 189.607.510 sumlıq jańa ádebiyatlar menen támiyinlengen. Fondtıń jedel toltırılıwı nátiyjesinde usı kúnge shekem 13773 kitap oqıwshı aǵza bolıp kúnine ortasha 920 adamǵa xızmet kórsetilmekde.

             Professor-oqıtıwshılar  518;

             Talabalar –11539 ;

             Xızmetkerler – 354;

             Qalalıq kitap oqıwshılar-283;

     Ózbekstan Respublikası Joqarı bilimlendiriw, ilim hám innovaciyalar ministrliginiń 2022-jıl 13-iyuldegi 225-sanlı buyrıǵı menen tiykarında “Unilibrary” elektron kitapxana platforması arqalı zárúr hám kerekli ádebiyatlarınıń elektron variantınan professor-oqıtıwshılar hám studentler erkin paydalana aladı.

Málimleme-resurs orayı tárepinen 2026-jıl ushın 57 atamada 263 dana 310.777.713 sumlıq gazeta-jurnallarǵa jazılıw shólkemlestirildi.  

Málimleme-resurs orayında kitap oqıwshılarǵa 5 bólim xızmet kórsetpekte.

1.  Ilimiy metodikalıq hám málimleme maǵlıwmat bólimi;
2. Málimleme kitapxana resursların tolıqtırıw, kataloglastırıw hám sistemalastırw bólimi;
3.  Málimleme-kitapxana resursları menen xızmet kórsetiw bólimi;
4. Elektron málimleme resursları bólimi;
5.  Sırt el málimleme-kitapxana-resursları menen islew bólimi.

Jańadan kelgen ádebiyatlardıń hár ayda byulleten’leri islep shıǵılıp, studentler, professor-oqıtıwshılarǵa tanıstırıp barılmaqda. Sonday-aq Málimleme-resurs orayında úzliksiz ráwishte belgili sánelerge, bayramlarǵa, ilimiy-metodikalıq konferenciyalarǵa, jańa ádebiyatlarǵa kitaplar kórgizbelerin shólkemlestiriw jolǵa qoyılǵan. Kitapqumarlıqtı keń úgit-násiyatlaw maqsetinde hár qıylı ilajlar, ushırasıwlar, viktorina oyınları shólkemlestirip barıladı.

Málimleme-resurs orayı Joqarı hám orta arnawlı bilimlendiriw ministrliginiń 2022-jıl 13-iyul’degi 225-sanlı buyrıǵı hámde institut rektorınıń 21-iyul’degi 265D/1-sanlı buyrıǵına tiykar kitap fondınıń tolıq elektron nusqasın jaratıw hámde ministrlik janındaǵı birden bir  “Elektron kutubxona” platformasına jaylastırıw boyınsha berilgen kórsetpege muwapıq Málimleme-resurs orayı kitap fondınıń tolıq elektron nusqaları jaratıldı.  

Málimleme-resurs orayında «ELEKTRON MÁLIMLEME RESURSLARÍ» atlı elektron dástúr (katalog) islep shıǵıldı. Katalogta institutda oqıtılatuǵın pánlerdiń úlgi pán dástúrlerindegi ádebiyatlar fakul’tet, kafedra kesiminde jaylastırılǵan. Bul óz gezeginde studentlerge ádebiyatlardıń elektron nusqaların tez hám ańsat tabıwları ushın qolaylıqlar jaratadı.

Málimleme-resurs orayında 4 dana printer (2 danası 3/1), 5 dana skaner, 1 dana  «Sensorlı ekran – Infokiosk», 1 dana interaktiv panel 1 dana zamanagóy televizor, 46 dana kompyuter bolıp, kompyuterler Internet hám WI-FI tarmaqlarına baylanısqan. Házirgi kúnde internet tezligi 100 mbps 6, 6 mbps tezlikte. 

Zamanagoy texnologiyalarga tiykarlangan dunya juzilik elektron málimleme tarmaqlarınan paydalanıw  barǵan sayın kúsheyip barmaqta. Málimleme-resurs orayın sanlastırıw maqsetinde Rossiya Federaciyasınıń halıq aralıq standartlarına juwap beretuǵın IRBIS 64+ dastúri menen jumıs baslanǵan. Usı janalanıwlar menen   fondımızdagı bar hújjetlerdiń mazmunı ashılıp, áhmiyetlisi  hár bir paydalanıwshı óz waqtınan únemli paydalanǵan halda usı dastúr, jańa infokiosk qurılmaları arqalı kerekli ádebiyatların tez hám ańsat tawıp alıp buyırtpa beriw, ádebiyatlardan paydalanıw, maǵlıwmatlarǵa iye bolıw múmkinshiligine iye.

Ózbekstan Respublikası Joqarı bilimlendiriw, pán hám innovaciyalar ministrliginiń shártnaması tiykarında Elsevier kompaniyasınıń, ScienceDirect xalıqaralıq ilimiy maǵlıwmatlar bazalarına, Springer Nature kompaniyasınıń Link Springer maǵlıwmatlar bazalarına hám Web of Science qıdırıw bazalarına, jáne de A.Nawayı atındaǵı Ózbekstan milliy kitapxanası arqalı “EBSCO Information Services” kompaniyasınıń ilimiy tolıq tekstli maǵlıwmatlar bazalarına biypul jalǵanǵan. Xalıqaralıq ilimiy-texnikalıq maǵlıwmatlar bazalarınan paydalanıwdı jolǵa qoyıw maqsetinde,  sırt el málimleme-kitapxana-resursları menen islew bóliminde “Máslahát orayı” shólkemlestirilgen hám óz iskerligin júrgizbekte.

Respublikamızdaǵı iskerlik alıp barıp atırǵan málimleme-resurs orayları menen tiykarınan: A.Nawayı atındaǵı Milliy kitapxana, Qaraqalpaqstan Respublikası MKO, Berdaq atındaǵı QMU MRO ları menen birgelikte jumıslar alıp barmaqda.