Ájiniyaz atındaǵı Nókis mámleketlik pedagogikalıq institutında hápteniń juma kúni «Salamatlıq kúni» dep belgilengen bolıp, professor-oqıtıwshılar hám student-jaslar arasında salamat turmıs tárizin úgit-násiyatlaw baǵdarında nátiyjeli jumıslar alıp barılmaqta.

Búgin, 17-aprel kúni Ellikqala fakultetinde azanǵı dene shınıqtırıw ilajı joqarı keypiyat hám kóterińki ruwxta shólkemlestirildi. Ilajǵa fakultet dekanı E.Asamaddinov, dekan orınbasarları, professor-oqıtıwshılar, tyutorlar jaslar jetekshisi hám studentler qatnasıp, birgelikte fizikalıq shınıǵıwlardı orınladı.

Shınıǵıwlar dawamında qatnasıwshılardıń densawlıǵın bekkemlew, fizikalıq belsendiligin arttırıw hám kúndi nátiyjeli baslawına dıqqat qaratıldı.

Azanǵı dene shınıqtırıw tek fizikalıq jaqtan paydalı bolıp qalmastan, sonıń menen birge, pozitiv keypiyat payda etiw, óz ara húrmet hám awızbirshilikti támiyinlewge xızmet etedi.