Usı jıldıń 18-22-may kúnleri Tashkent qalasında «Mırza Ulıǵbek áwladları» respublikalıq tańlawınıń juwmaqlawshı final basqıshı bolıp ótti.

Mámleketimizde qábiletli jaslardıń baslamaların qollap-quwatlaw baǵdarında ámelge asırılıp atırǵan jumıslardı bunnan bılay da jedellestiriw, olardı ilimiy-texnikalıq jumıslarǵa keńnen tartıw, qábiletli jaslardıń, sonıń ishinde, alıs aymaqlarda jasaytuǵın qız-jigitlerdiń bilim, kónlikpe hám tájiriybesin arttırıw maqsetinde ótkerilip kiyatırǵan bul tańlawdıń respublikalıq basqıshına Ájiniyaz atındaǵı Nókis mámleketlik pedagogikalıq institutınan 8 jas qatnastı.

Quwanıshlısı, olar arasınan 4 student respublikalıq tańlawdıń jeńimpazı dep tabıldı:

Zilola Allakova – Anıq pánler fakultetiniń 4-kurs studenti;

Kúmisay Qızılbaeva – Tábiyiy pánler fakultetiniń 3-kurs studenti;

Gúlay Qudaybergenova – Anıq pánler fakultetiniń 3-kurs studenti;

Azada Uzaqbergenova – Filologiya fakultetiniń 3-kurs studenti.

Sonday-aq, Tábiyiy pánler fakultetiniń 4-kurs studenti Elenura Joldasbaeva «Eń jaqsı innovator hayal» nominaciyasınıń jeńimpazı dep tabıldı.

Jeńimpazlar sertifikat, arnawlı statuetka hám bazalıq esaplaw muǵdarınıń 20 esesi muǵdarında aqshalay sıylıqlandı.

Tańlawdıń respublikalıq basqıshında joqarı nátiyjelerge erisken jaslarımızdı institut rektoratı hám jámááti atınan qutlıqlaymız!

NMPI baspasóz xızmeti.