Kafedra baslıǵı:	Kamalov Amangeldi Bazarbaevich
	Tel.:	+99890 651 4972
	Qabıllaw waqtı	Dúyshembi-Shembi Saat 10-00 den 16-00 ge shekem

     Nókis mámleketlik pedagogikalıq institutınıń ashılıwı menen sentyabr ayında injener-pedagogika fakultetiniń quramında «Fizika hám miynetke úyretiw» kafedrası bolıp shólkemlestirildi. Sol waqıtları kafedrada eki ilim kandidatı, bir aǵa oqıtıwshı hám bes assistent oqıtıwshı xızmet kórsetip keldi. Kafedra quramınan 1992-jılı jańa qánigeliklerdiń ashılıwı menen «Ulıwma texnikalıq pánler» kafedrası ajıralıp shıqtı. Kafedraǵa dosent Q.Palwanov (1990-1992jj), docent A.Jumamuratov (1992-1993jj), docent B.Qaypov (1993-1998jj), docent K.Turdanov (1998-2007jj, 2008-2014jj), docent J.Jańabergenov (2007-2008jj) basshılıq etti. 2014-jıldan baslap házirgi waqıtta f.-m.i.d., professor A.Kamalov basshılıq etip kelmekte. Kafedranıń ilimiy izertlew jumısları juwmaqları boyınsha bir neshe oqıw metodikalıq qollanbalar hám sabaqlıqlar jaratıldı.

     Hazirgi kúnde kafedrada, 5 ilim doktorı, 5 ilim kandidatı, 5 filosofiya ilimleri doktorı PhD, 18 assistent oqıtıwshılar islep kelmekte. Ilimiy dárejelilik 45% ti quraydı. Kafedramızda mexanika, molekulyar fizika, optika, elektromagnetizim laboratoriya xanaları zamanagoy asbap uskeneler menen táminlengen bolıp, bul asbaplar járdeminde laboratoriyalıq jumıslar sapalı darejede alıp barılıp atır.

     Sońǵı úsh jıllıqta kafedramızdan N.Matjanov DSc, A.Paluanova, K. Embergenova, S. Abdijaliev, A.Jalekeshov PhD dissertatsiyaların tabıslı jaqlap shıqtı.

     Kafedra aǵzaları xalıq aralıq tańlawlarda qatnasıp, rawajlanǵan mámleketlerdiń joqarı bilimlendiriw orınları hám ilimiy oraylarında óz bilimlerin asırıp, tájiriybe alısıp kelmekte. Atap aytqanda, Ullı Britaniya hám Arqa Irlandiya Birlesken patshalıǵınıń Royal Society jámiyeti, Arqa Atlantikalıq áskeriy awqamı (NATO), Birlesken milletler shólkemi (BMT – UNO), Xalıq aralıq atom energetikası agentligi (IAEA) hám Italiya Respublikası menen birgelikte shólkemlestirilgen Abdus Salam atındaǵı Teoriyalıq fizikanıń xalıq aralıq orayı ICTP hám de Turkiya mámleketiniń ilim hám texnologiya izertlewleri keńesi (TUBITAK) hám Ózbekstan Respublikası Ministrler Kabineti aldındaǵı Ilim hám texnologiyalardı rawajlandırıwdı muwapıqlastırıw komiteti grantları utıp alınǵan. Nátiyjede pedagog xızmetkerlerimiz Angliyanıń Lafboro universitetinde, Germaniyanıń Myuggelzi oqıw orayında, Italiyanıń Triest qalasında jaylasqan Abdus Salam atındaǵı Teoriyalıq fizikaning xalıq aralıq orayı (ICTP) de hám de Turkiyanıń Izmir qalasında jaylasqan Izmir Joqarı texnologiya institutı sıyaqlı ilimiy hám oqıw oraylarında óz kásiplik hám ilimiy mamanlıqların asırıp qayttı. Pedagog xızmetkerlerimiz Ózbekstan Respublikası Ministrler Kabineti aldındaǵı Ilim hám texnologiyalardı rawajlandırıwdı muwapıqlastırıw komitetiniń hár qıylı tańlawlarında mudam aktiv qatnasıp, bul tańlawlarda maqtawǵa arzıwlı jetiskenliklerge erisken.