Ózbekstan Respublikası Prezidentiniń «Muǵallimler hám ustazlar kúni múnásibeti menen tálim-tárbiya sistemasında ayrıqsha órnek kórsetken xızmetkerlerden bir toparın sıylıqlaw haqqında»ǵı pármanı tiykarında Ájiniyaz atındaǵı Nókis mámleketlik pedagogikalıq institutı fizikanı oqıtıw metodikası kafedrasınıń baslıǵı, fizika-matematika ilimleriniń doktorı, professor Kamalov Amangeldi Bazarbaevich «Doslıq» ordeni menen sıylıqlandı.

Amangeldi Kamalov 25 jıldan aslam miynet jolı dawamında jaslarǵa bilim beriwde ayrıqsha belsendilik kórsetip kelmekte.

Ol 180 nen aslam ilimiy, oqıw-metodikalıq ádebiyatlar hám 1 monografiya avtorı, sonday-aq, kóplegen xalıqaralıq ilimiy-ámeliy konferenciyalar qatnasıwshısı bolıp esaplanadı.

Evropanıń kóplegen mámleketleri, Yaponiya, Ukraina, Belarus, Rossiya hám Ózbekstan Respublikasındaǵı xalıqaralıq konferenciyalarda óziniń áhmiyetli hám mazmunlı bayanatları menen qatnasqan.

2020-jıldan berli Ájiniyaz atındaǵı Nókis mámleketlik pedagogikalıq institutı fizikanı oqıtıw metodikası kafedrasınıń baslıǵı lawazımında jemisli miynet etpekte.

Institut jámááti Amangeldi Kamalovtı «Doslıq» ordeni menen qutlıqlaydı hám aldaǵı jumıslarında tabıslar tileydi!

NMPI baspasóz xızmeti.