Usı jıldıń 24-oktyabr kúni Ájiniyaz atındaǵı Nókis mámleketlik pedagogikalıq institutında fakultetler arasında «Studentler teatr studiyaları» tańlawı bolıp ótedi.

Ózbekstan Respublikası Joqarı bilimlendiriw, ilim hám innovaciyalar ministrligi jáne Mádeniyat hám turizm ministrliginiń qospa qararı tiykarında shólkemlestirilip atırǵan tańlawǵa hár bir fakultetten bir komandadan qatnasadı.

Tańlawǵa qatnasıwdı qáleytuǵın student-jaslar fakultet dekanlarınıń jaslar máseleleri hám ruwxıy-aǵartıwshılıq isleri boyınsha orınbasarlarına múrájat etiwi múmkin.

Tańlawda jeńimpaz bolǵan hám sıylı orınlardı iyelegen, sonday-aq, óziniń aktyorlıq sheberligi menen hám joqarı dárejede saxnalastırılǵan shıǵarmaları arqalı ayrıqsha belsendilik kórsetken qatnasıwshılar shólkemlestiriwshiler tárepinen sıylıqlanadı.

NMPI baspasóz xızmeti.