Usı jıldıń 16-20-oktyabr kúnleri aralıǵında respublikamız boylap ótkerilip atırǵan «InnoWeek.Uz-2023» innovaciyalıq ideyalar hápteligi sheńberinde Ájiniyaz atındaǵı Nókis mámleketlik pedagogikalıq institutında «Kreativ bilimlendiriw hám innovaciyalar – Jańa Ózbekstan rawajlanıwınıń tiykarı» atamasında kreativ bilimlendiriw hám zamanagóy bilimlendiriw metodikalarına baǵıshlanǵan konferenciya bolıp ótti.

Konferenciyanı instituttıń ilimiy isler hám innovaciyalar boyınsha prorektorı R.Eshmuratov basqarıp bardı.

Ilajda Qaraqalpaq mámleketlik universitetinen N.Pirniyazova, Nókis mámleketlik pedagogikalıq institutınan A.Bekimbetova, TITU Nókis filialınan G.Abılova, Qaraqalpaqstan medicina institutınan M.Qurbanazarov, Ózbekstan mámleketlik konservatoriyası Nókis filialınan R.Abatbaevalar bilimlendiriw procesinde pedagogikalıq hám sanlı texnologiyalar, zamanagóy oqıtıw usılların qollanıw boyınsha bayanatlar jasadı.

NMPI baspasóz xızmeti.