Usı jıldıń 30-oktyabr – 4-noyabr kúnleri aralıǵında Ájiniyaz atındaǵı Nókis mámleketlik pedagogikalıq institutı baslawısh tálim kafedrasınıń professor-oqıtıwshıları – pedagogika ilimleriniń kandidatı, docent G.Qallibekova, pedagogika ilimleri boyınsha filosofiya doktorı (PhD), docent w.w.a. A.Kadrekova hám T.Baynazarovlar Qazaqstan Respublikasınıń M.Áwezov atındaǵı Qubla Qazaqstan mámleketlik universiteti hám Abay atındaǵı Qazaq milliy pedagogikalıq universitetinde xızmet saparında boldı.

Qazaqstan Respublikasındaǵı joqarı oqıw orınları menen dúzilgen eki tárepleme shártnamalar tiykarında studentlerdiń akademiyalıq mobillik, professor-oqıtıwshılar hám magistrantlardıń stajirovkası, xalıqaralıq konferenciyalar hám ilimiy joybarlardı birgelikte ámelge asırıw boyınsha usınıslar bildirildi.

NMPI professor-oqıtıwshıları tárepinen usı universitetlerde studentlerge lekciyalar, ámeliy shınıǵıwlar, sáwbetlesiwler ótkerildi.