1-dekabr – Qaraqalpaq tiline mámleketlik til biyligi berilgen kún bayramı múnásibeti menen Ájiniyaz atındaǵı Nókis mámleketlik pedagogikalıq institutı student-jaslarınıń qaraqalpaq tili boyınsha iyelegen bilim hám kónliklerin bahalaw hám olardı xoshametlew maqsetinde diktant tańlawı shólkemlestirilmekte.

Dáslep tańlawdıń fakultet basqıshı usı jıldıń 27-noyabr kúni barlıq fakultetlerde ótkeriledi. Tańlawdıń fakultet basqıshında 1-orındı iyelegen studentler institut basqıshına jollama aladı.

Tańlawdıń institut basqıshı usı jıldıń 29-noyabr kúni málimleme-resurs orayında bolıp ótedi.

Onda jeńimpaz student hám sıylı orın iyelerine diplom hám sawǵalar tapsırıladı.

Qosımsha maǵlıwmatlardı fakultet dekanlarınıń jaslar menen islesiw boyınsha orınbasarlarınan alıwıńız múmkin.

NMPI baspasóz xızmeti.