Tariyx, búgin hám keleshekti ózinde birlestirgen usınday ruwxıy-aǵartıwshılıq ilajlar Ájiniyaz atındaǵı Nókis mámleketlik pedagogikalıq institutında turaqlı ótkerilip kelinbekte.

Instituttıń Mektepke shekemgi tálim fakultetinde shólkemlestirilgen ushırasıwda Berdaq atındaǵı Qaraqalpaq ádebiyatı tariyxı mámleketlik muzeyiniń direktorı, Qaraqalpaqstan Respublikasına miyneti sińgen mádeniyat xızmetkeri Shárigúl Payzullaeva, Ózbekstan Respublikasında xızmet kórsetken jurnalist Altıngúl Óteniyazova, «Úmit ushqını» kókirek belgisiniń iyesi, instituttıń Shet tilleri fakultetiniń belsendi studenti Gúlayım Erjanbaeva elimizde mámleketimiz basshısınıń baslaması menen jámiyetimizdiń hár bir aǵzasına ǵamqorlıq, miyrim-shápáát kórsetilip atırǵanı, insan qádiri, onıń arzıw-ármanların ámelge asırıwǵa imkaniyat jaratıw baslı wazıypaǵa aylanǵanlıǵı atap ótildi.

Miymanlar ózleriniń ómir jolı, ámelge asırıp atırǵan jumısları dawamında toplaǵan bay tájiriybesi, usı baǵdardaǵı ushırasıwlar jaslar ushın turmıslıq mektep wazıypasın atqarıp, ustaz-shákirt qatnasıqların bekkemlewge xızmet etetuǵınlıǵı haqqında toqtaldı.

Ushırasıwda qatnasıwshılar ózlerin qızıqtırǵan sorawlarǵa juwaplar aldı.

NMPI baspasóz xızmeti.