Ájiniyaz atındaǵı Nókis mámleketlik pedagogikalıq institutı Pedagogika fakulteti psixologiya kafedrası tárepinen «Házirgi zaman psixologiya ilimindegi mashqalalar: sheshimler hám imkaniyatlar» atamasındaǵı xalıqaralıq ilimiy-ámeliy konferenciya shólkemlestirildi.

Konferenciyanıń ashılıw plenar májilisinde instituttıń ilimiy isler hám innovaciyalar boyınsha prorektorı R.Eshmuratov sózge shıǵıp, konferenciya jumıslarına tabıslar tiledi.

Konferenciyanıń tiykarǵı maqseti psixologiya ilimindegi zamanagóy ózgerisler, innovaciyalıq ideyalardı ámeliyatqa engiziw, kreativ qatnasta bolıw, sonday-aq, jas ilimpazlar, ziyrek studentlerdi ilimge tartıw, mámleketimizdiń sociallıq-ekonomikalıq keleshegin, jámiyettiń zárúrliklerin, ilim, mádeniyat, texnika hám texnologiyalardıń innovaciyalıq jetiskenliklerin bunnan bılay da rawajlandırıw, sonday-aq, nátiyjelerin ámeliyatqa engiziwden ibarat.

Konferenciyaǵa Rossiya, Qazaqstan, Qırǵızstan hám basqa da mámleketlerden, sonıń menen birge, respublikamızdaǵı jetekshi joqarı oqıw orınlarınan professor-oqıtıwshılar, magistrant hám doktorantlar, izleniwshiler bayanatları menen qatnastı.