Búgin, 22-may kúni Namangan mámleketlik universitetinde dawam etip atırǵan Ózbekstan Respublikası hám Rossiya Federaciyası aymaqlar aralıq joqarı oqıw orınları rektorlarınıń konferenciyası sheńberinde Ájiniyaz atındaǵı Nókis mámleketlik pedagogikalıq institutı delegaciyası Rossiyanıń xalıqaralıq abıroylı joqarı oqıw orınları delegaciyaları menen sáwbetlesiwler alıp barmaqta.

Konferenciya sheńberinde institut rektorı Quvondiq Qodirov hám M.Akmulla atındaǵı Bashqurt mámleketlik pedagogikalıq universiteti rektorı Salavat Sagitov joqarı oqıw orınları arasında birge islesiw shártnamasına qol qoydı.

Shártnama tiykarında tiyisli qánigelikler boyınsha kadrlar tayarlawǵa járdemlesiw maqsetinde professor-oqıtıwshılardıń qánigeligin jetilistiriw, ilimiy-pedagogikalıq hám innovaciyalıq baǵdarlarda birge islesiwdiń jańa baǵdarların ashıw, studentler hám izleniwshilerdıń oqıwı hám stajirovkası ushın zárúr sharayatlardı támiyinlegen halda olardıń almasıwın jolǵa qoyıw boyınsha birgelikte ámelge asırılatuǵın jumıslar belgilep alındı.

NMPI baspasóz xızmeti.