Qazaqstan Respublikası Astana qalasında jaylasqan L.N.Gumilyov atındaǵı Evraziya milliy universitetinde sızıqlı geometriya páninen VII Xalıqaralıq pán olimpiadası bolıp ótti.

Xalıqaralıq pán olimpiadasında ǴMDA mámleketleriniń kóplegen joqarı oqıw orınları qatarında Ájiniyaz atındaǵı Nókis mámleketlik pedagogikalıq institutı Pedagogika fakulteti súwretlew óneri hám injenerlik grafikası tálim baǵdarınıń student-jasları da belsene qatnastı.

Áhmiyetlisi, pán olimpiadası juwmaqları boyınsha institutımızdıń studenti Odilbek Aminov sıylı 3-orındı iyelep, diplom menen sıylıqlandı.

Sonday-aq, pán olimpiadasında belsene qatnasqan 2-kurs studentleri M.Aldabergenov, M.Seytnazarova, 1-kurs studenti B.Maqsetbaevlar sertifikat penen sıylıqlandı.

Studentlerdi xalıqaralıq pán olimpiadasına súwretlew óneri hám injenerlik grafikası kafedrasınıń assistent-oqıtıwshısı Aybek Alawatdinov tayarladı.

NMPI baspasóz xızmeti.