Ájiniyaz atındaǵı Nókis mámleketlik pedagogikalıq institutı Anıq pánler fakultetinde studentler menen ashıq sáwbetlesiw formasındaǵı «Dekan hám student-jaslar» ushırasıwı shólkemlestirildi.

Ilajǵa fakultet dekanı Rzamurat Jiyemuratov, dekan orınbasarı Xalmurat Esemuratov hám studentler qatnastı.

Ushırasıwda studentler tárepinen oqıw procesin bunnan bılay da jetilistiriw, sabaqlarda zamanagóy usıllardan paydalanıw, ilimiy hám innovaciyalıq joybarlar qollap-quwatlaw, sonday-aq, studentler turaq jayları, sport hám mádeniy ilajlar boyınsha pikir-usınıslar bildirildi.

Fakultet dekanı studentlerdiń soraw hám usınıslarına juwap berip, olardıń baslamaların qollap-quwatlaytuǵınlıǵın atap ótti. Sonday-aq, ushırasıw dawamında studentlerdi ilimiy joybarlarda belsene qatnasıwǵa, óz ústinde turaqlı islew hám bos waqıtların nátiyjeli ótkeriwge shaqıratuǵın usınısların berdi.

NMPI baspasóz xızmeti.