Ájiniyaz atındaǵı Nókis mámleketlik pedagogikalıq institutı Pedagogika-psixologiya hám dóretiwshilik tálim fakultetinde student-jaslardıń baslamaların qollap-quwatlaw, olardıń pikir-usınısların tıńlaw hám áhmiyetli máselelerdi birgelikte dodalaw maqsetinde «Dekan hám student-jaslar» ushırasıwı shólkemlestirildi.

Ushırasıwda fakultet dekanı Ulbosın Seytjanova studentler ushın jaratılǵan sharayatlar, oqıw procesiniń nátiyjeliligin arttırıw, bos waqıtların mazmunlı ótkeriw hám olardı hár qıylı dógerekler jáne ilimiy joybarlarǵa tartıw máseleleri boyınsha keń túrde túsinikler berip ótti.

Ilaj dawamında student-jaslar ózlerin qızıqtırǵan sorawlarına juwaplar aldı.

Sonday-aq, ushırasıwda fakultettiń tiyisli kafedra baslıqları hám basqa da juwapkerleri sózge shıǵıp, studentlerdiń kitapqumarlıq mádeniyatın arttırıw, milliy hám ulıwma insanıylıq qádiriyatlarǵa sadıq bolıp jetisiwi, óz kásiplik bilim hám kónlikpelerin turaqlı rawajlandırıp barıwı zárúrligin atap ótti.