«Qaraqalpaqstan Respublikasın 2026-jılda sociallıq-ekonomikalıq jaqtan rawajlandırıw hám kelesi jıllar ushın mólsherlengen baǵdarlamalardı tastıyıqlaw haqqında»ǵı Prezident qararı qabıl etildi.

Qararǵa bola, Qaraqalpaqstan Respublikasın turaqlı sociallıq-ekonomikalıq jaqtan rawajlandırıwdıń tiykarǵı maqsetleri etip tómendegiler belgilendi, atap aytqanda:

2026-jıl juwmaǵına shekem:

– ulıwma aymaqlıq ónim kólemin 8,1 procentke, sanaat ónimleri óndirisi kólemin 8 procentke arttırıw;
– jumıssızlıq dárejesin 4,2 procentke shekem, kámbaǵallıq dárejesin 3,2 procentke shekem túsiriw, Nókis qalası, Qońırat hám Shımbay rayonları jáne 109 máhálleni jumıssızlıq hám kámbaǵallıqtan awlaq aymaqqa aylandırıw;

2030-jılǵa shekem:

– ulıwma aymaqlıq ónim kólemin 102,4 trln sumǵa, awıl xojalıǵı óndirisin 28,9 trln sumǵa jetkeriw, sonday-aq, sanaat hám xızmetler tarawında ulıwma 7,2 mlrd AQSh dolları ekvivalentindegi joybarlardı ámelge asırıw;
– eksport kólemin 900 mln AQSh dollarına jetkeriw.

Qaraqalpaqstan Respublikası Ministrler Keńesi Baslıǵınıń Ekologiya hám Aralboyı aymaǵın rawajlandırıw máseleleri boyınsha birinshi orınbasarı lawazımı saplastırıladı.

Ministrler Keńesi Baslıǵınıń jaylawlardan nátiyjeli paydalanıwdı shólkemlestiriw, sharwa ot-jem bazasın bekkemlew hám sharwashılıqtı rawajlandırıw máseleleri boyınsha birinshi orınbasarı lawazımı engiziledi.

NMPI baspasóz xızmeti.