Ózbekstan Respublikası Joqarı hám orta arnawlı bilimlendiriw ministri hám Ózbekstan voleybol federaciyasınıń prezidenti Abduqodir Toshqulov búgin, 23-fevral kúni Ájiniyaz atındaǵı Nókis mámleketlik pedagogikalıq institutına kelip, voleybol boyınsha birneshe márte Ózbekstan chempionı, Ózbekstan kubogı hám superkubogınıń jeńimpazı bolǵan NMPI qızlar saylandı komandası bas treneri Azat Kazakov hám sportshı qızlar menen ushırastı.

A.Toshqulov sportshılardıń respublikalıq hám xalıqaralıq jarıslarǵa qatnasıwı ushın bunnan bılay da jaqsı imkaniyatlar, qosımsha sharayatlar jaratılıwın atap ótip, olarǵa sawǵalar tapsırdı.

Saylandı komanda bas treneri Azat Kazakov usınday nátiyjelerdi qolǵa kirgiziwde ministrlik hám institut basshılarınıń itibarı jáne ǵamqorlıqları úlken ekenligin bildirip, minnetdarshılıq bildirdi.

Ministr voleyboldı rawajlandırıw, jaslar arasında onıń ǵalabalıǵına erisiw ushın qosımsha qarjılar ajıratılatuǵınlıǵın qosımsha etti.

NMPI baspasóz xızmeti.