Búgin, 15-aprel kúni Ájiniyaz atındaǵı Nókis mámleketlik pedagogikalıq institutında Ruwxıylıq hám aǵartıwshılıq keńesiniń jıynalısı bolıp ótti. Ilajda institutta ruwxıy-aǵartıwshılıq baǵdarındaǵı jumıslardıń nátiyjeliligin arttırıw, jaslarda joqarı etikalıq qádiriyatlardı qáliplestiriw hám jámiyette ruwxıy ortalıqtı jaqsılawǵa baylanıslı áhmiyetli máseleler dodalandı.

Jıynalıstı institut rektorı, Ruwxıylıq hám aǵartıwshılıq keńesiniń baslıǵı Quvondiq Qodirov basqarıp bardı.

Dáslep ruwxıy tárbiyanıń nátiyjeliligin arttırıw boyınsha ámelge asırılıp atırǵan ilajlar, tarawda orın alıp atırǵan mashqalalar kórip shıǵılıp, jaslar tálim-tárbiyası máselesinde alda turǵan wazıypalar atap ótildi.

Ásirese, studentler arasında hár qıylı jat ideyalar, zıyanlı illetler, jınayatshılıq hám huqıqbuzarlıqlardıń aldın alıw boyınsha ámelge asırılatuǵın jumıslardıń anıq mexanizmlerin islep shıǵıw, instituttıń ruwxıy-aǵartıwshılıq ilajlar rejesiniń orınlanıwın támiyinlew, jaslar arasında úgit-násiyat jumıslarınıń nátiyjeli zamanagóy usıllarınan paydalanıwdıń áhmiyeti atap ótilip, juwapkerlerge tapsırmalar berildi.

Keńes aǵzalarınan ibarat arnawlı topar shólkemlestirilip, fakultetler kesiminde tiyisli úyreniw hám úgit-násiyat jumısların alıp barıwǵa kelisip alındı.

Jıynalısta bildirilgen pikir-usınıslar tiykarında instituttıń ruwxıylıq hám aǵartıwshılıq baǵdarındaǵı jumıslarınıń nátiyjeliligin arttırıwǵa baǵdarlanǵan qararlar qabıl etildi.

NMPI baspasóz xızmeti.