Usı jıldıń 20-25-aprel kúnleri aralıǵında Jizzaq qalasında sporttıń qılıshpazlıq túri boyınsha 23 jasqa shekemgi sportshılar arasında (U23) Ózbekstan chempionatı jarısları bolıp ótti.

Quwanıshlı tárepi, jarısta Ájiniyaz atındaǵı Nókis mámleketlik pedagogikalıq institutı Dene mádeniyatı fakultetiniń 2-kurs studenti Nurkeldi Turǵanbaev sıylı 3-orındı iyeledi hám qola medaldı qolǵa kirgizdi.

Esletip ótemiz, ol jaslar arasında ótkerilgen Ózbekstan chempionatı hám kubogi jarıslarında birneshe márte jeńimpaz bolǵan edi.

Ózbekstan chempionı bolǵan Nurkeldi Turǵanbaevtı qolǵa kirgizgen tabısları menen institutımız jámááti atınan shın júrekten qutlıqlaymız!

NMPI baspasóz xızmeti.