Ájiniyaz atındaǵı Nókis mámleketlik pedagogikalıq institutında qábiletli studentlerdi saylap alıw hám qollap-quwatlaw, olardıń shet tillerine bolǵan qızıǵıwshılıǵın arttırıw maqsetinde usı jıldıń 21-22-oktyabr kúnleri inglis tilinen pán olimpiadası bolıp ótedi.

Pán olimpiadası jeńimpazları tómendegi tapsırmalardıń studentler tárepinen orınlanıw dárejesine qaray anıqlanadı:

Birinshi shárt – test, 21-oktyabr:

Mámlekettanıw, ádebiyat, grammatikalıq hám leksikalıq materiallar tiykarında dúzilgen 50 sorawdan ibarat test tapsırmaların orınlaw (100 minut);

Ekinshi shárt – jazba jumıs, 21-oktyabr:

15-20 minut dawamında kórkem filmnen úzindi kóriw hám mazmunın jazba túrde keminde 300 sózden ibarat formada bayanlaw (40 minut);

Úshinshi shárt – awdarma, 22-oktyabr:

Ózbek yamasa rus tillindegi tekstti inglis tiline awdarıw (30 minut);

Tórtinshi shárt – sáwbet, 22-oktyabr:

Tili úyrenilip atırǵan mámlekettiń mámleketlik dúzilisi, ekonomikası hám kórkem óneri, ullı tulǵaları, jaslardıń turmısı hám usı sıyaqlılar haqqında (tayarlıq ushın 20 minut, sáwbet ushın 10 minut waqıt beriledi).

Pán olimpiadasınıń jeńimpazı respublikalıq basqıshqa jollamaǵa iye boladı.

Jeńimpaz hám sıylı orın iyeleri shólkemlestiriwshiler tárepinen xoshametlenedi.

Maǵlıwmat ushın telefon: +998913878744

NMPI ziyrek studentlerdiń ilimiy-izertlew jumısların shólkemlestiriw bólimi.