Ájiniyaz atındaǵı Nókis mámleketlik pedagogikalıq institutı Tábiyiy pánler fakultetinde «Piyshembi – jaslar kúni» sheńberinde pitkeriwshi kurs studentleriniń bántligin támiyinlew hám olardıń isbilermenlik baslamaların qollap-quwatlawǵa baǵdarlanǵan «Keleshekke qádem» baǵdarlaması haqqında maǵlıwmat beriw maqsetinde ushırasıw shólkemlestirildi.

Ilajǵa «Ózmilliybank» akcionerlik jámiyeti Qaraqalpaqstan Respublikası boyınsha filialınıń qánigesi Klara Sharipova, instituttıń «Keleshekke qádem» orayı juwapker qánigesi Nursultan Tańbaev, fakultettiń pitkeriwshi kurs studentleri qatnastı.

Ushırasıw dawamında qánigeler tárepinen miynet bazarında talap joqarı bolǵan kásip hám baǵdarlar, biznes reje islep shıǵıw tiykarları, startap joybarlardı jolǵa qoyıw hám qarjılandırıw imkaniyatları, jeńillikli kreditler hám mámleketlik baǵdarlamalar haqqında tolıq maǵlıwmatlar berildi.

NMPI baspasóz xızmeti.