Joqarı bilimlendiriw shólkemlerin 2025-jılda rawajlandırıwdıń baslı baǵdarların hám jumısların jetilistiriw boyınsha usınıslar islep shıǵıw maqsetinde shólkemlestirilgen Respublikalıq jumısshı topar Qaraqalpaqstan Respublikasındaǵı joqarı oqıw orınlarında úyreniw jumısların baslaǵanı haqqında xabar bergen edik.

Búgin, 25-yanvar kúni jumısshı topar aǵzaları joqarı oqıw orınlarınıń tiyisli juwapkerleri menen jıynalıs ótkerip, islenetuǵın jumıslar belgilep alındı.

Joqarı oqıw orınlarında oqıw procesin jetilistiriw, sanlastırıw hám bilimlendiriwdiń sapasın arttırıw, ilimiy-izertlewlerdiń nátiyjeliligin arttırıw, ilim, bilimlendiriw hám óndiristiń integraciyasın keńeytiw, sociallıq-ruwxıy ortalıqtı salamatlastırıw, student-jaslarda tárbiyalıq jumıslar sistemasın jetilistiriw hám olardıń bos waqıtların mazmunlı shólkemlestiriw, materiallıq-texnikalıq támiynat, oqıw laboratoriyaların zamanagóy ásbap-úskeneler menen támiyinlew, sırt el bilimlendiriw hám izertlew mákemeleri menen birge islesiw baylanısların jolǵa qoyıw boyınsha ámelge asırılıp atırǵan jumıslar hám orın alıp atırǵan mashqalalardıń sheshimi boyınsha usınıslar islep shıǵıw Respublikalıq jumısshı topardıń tiykarǵı maqseti bolıp esaplanadı.

Úyreniw jumısları joqarı oqıw orınları kesiminde dawam etpekte.

NMPI baspasóz xızmeti.