Ájiniyaz atındaǵı Nókis mámleketlik pedagogikalıq institutınıń 1-2-kurs studentleri ushın 2026-jıldıń gúzgi semestrinde (sentyabr-dekabr) oqıwın Qazaqstan Respublikası Ál-Farabiy atındaǵı Qazaq milliy universitetinde akademiyalıq mobillik baǵdarlaması tiykarında dawam ettiriwi ushın qabıllaw baslanǵanlıǵın járiyalaymız.

✅Akademiyalıq mobillik baǵdarlaması studentlerge Oraylıq Aziyanıń jetekshi joqarı oqıw orınlarınıń birinde bilim alıw, ilimiy kózqarasların keńeytiw, kásiplik kompetenciyaların tereńlestiriw hám kóp mádeniyatlı bilimlendiriw ortalıǵında tájiriybe arttırıw imkaniyatın beredi.

🔖Baǵdarlama sheńberinde studentler individual oqıw rejesi tiykarında pánlerdi ózlestiredi hám sońında kreditleri tiykarǵı joqarı oqıw ornında qayta esapqa alınadı.

✍️Qatnasıw shártleri:

➖1- hám 2-kurs studentleri ushın ashıq;
➖oqıw 2026-jıl gúzgi semestrde (sentyabr-dekabr) ámelge asırıladı;
➖jasaw hám transport qárejetleri studentler tárepinen qaplanadı;
➖talabalanlardı saylap alıw akademiyalıq kórsetkishler hám motivaciyalıq tiykarda tańlaw arqalı ámelge asırıladı.

☝️Qosımsha maǵlıwmat alıw hám hújjet tapsırıw ushın instituttıń xalıqaralıq birge islesiw bólimine múrájat etiwińiz múmkin.

🙋🏻‍♂️Juwapker: Axmet Aymurzaev;
☎️Telefon: +998933691232.

🔸Orınlar sanı sheklengenligin esapqa alıp, qálewshilerden arzalardı óz waqtında tapsırıwı soraladı.

🔹Maǵlıwmat ushın, Ál-Farabiy atındaǵı Qazaq milliy universiteti «QS World University Rankings – 2025» reytinginde 166-orındı iyelegen.